هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

شعبى المسامح

اذهب الى الأسفل

default شعبى المسامح

مُساهمة من طرف ندى المصرى في 2/5/2009, 22:49

يا شعبي يا شاطر

يا جابر خواطر

يا ساكن مقابر

وصابر وعال

يا واكل سمومك

يا بايع هدومك

يا حامل همومك

وشايل جبال

يا شعبي اللي نايم

وسارح وهايم

وفي الفقر عايم

وحاله ده حال

احبك محشش

مفرفش مطنش

ودايخ مدروخ

وأخر انسطال

احبك مكبر

دماغك مخدر

ممشي أمورك

كده باتكال


وأحب اللي ينصب

وأحب اللي يكدب

وأحب اللي ينهب

ويسرق تلال

وأحب اللي شايف

وعارف وخايف

وبالع لسانه

وكاتم ما قال


واحبك تأيد

تعضد تمجد

توافق تنافق

وتلحس نعال

تحضر نشادر

تجمع كوادر

تلمع تقمع

تضبط مجال

لكن لو تفكر

تخطط تقرر

تشغل لي مخك

وتفتح جدال

وتبدأ تشاكل

وتعمل مشاكل

وتنكش مسائل

وتسأل سؤال

وعايز تنور

وعايز تطور

وتعملي روحك

مفرد رجال

ساعتها حجيبك

لا يمكن اسيبك

وراح تبقى عبرة

وتصبح مثال

حبهدل جنابك

وأذل اللي جابك

وحيكون عذابك

ده فوق الاحتمال

وامرمط سعادتك

واهزأ سيادتك

واخلي كرامتك

في حالة هزال


وتلبس قضية

وتصبح رزية

وباقي حياتك

تعيش في انعزال

حتقبل ححبك

حترفض حلبك

حتطلع حتنزل

حجيبلك جمااااااااال
ندى المصرى
ندى المصرى
Admin

انثى
عدد الرسائل : 123
تاريخ التسجيل : 05/06/2007

https://a7la.forumtwilight.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى